<驚喜>

日日如是的工作... 令人心力交瘁

今早上班時在公司門口竟看見定向marker!!!!!!!!!!!

應該是救世軍港澳定向追縱日的check point 吧!!!

令日日番工番到o牛曬的我立即醒一醒

咁就一年了...

一年前, 第三屆, 我都有份幫手嫁

驚喜過後, 回到公司努力造唇彩, 有幸重陽不需加班... R&D team 14人, 7人需要上班...

 <四季之後>

"四季之後, 等足四季, 原想大殺四方, 怎知出左四次沖"

對上一次大學同學聚會, 而有拍照的, 已是一年前在四季酒店打邊爐.

但是我還沒有收到當天的照片!!!!!!!!!!!!!!!!

等足四季!!!!

今次聚會, 平時最早到的變了最遲到. 平時逢約必遲的反而早到.

飯局在渣華道街市 - 東寶小廚

  飲勝!!!!!!!!!!

勁多 "食送"

飲飽食醉後, 我們6個女仔就走6層樓梯上阿 Ron 屋企

一個字 --- "亂" !!!!!!!!!

最嘔心的是千年無洗的奶茶杯!!!!

奶茶跡唔會洗得甩.

仲有那個數碼鋼琴, 個個掂過佢的人對手都係黑色!!!

七個人玩一 "木台" 麻雀!!!!!!!!

本人當日嚴重睡眠不足... 故連出四次沖!!!!!!!!

玩到晚上11點多... 由北角回家, 回到家都12點9...

第2日晨早8點鐘要在元朗集合... (眼訓)

後話, 因為有人當日還未寄出四季之前的四季酒店打邊爐的相給大家, 故人人都以身作則, 第二日就快快手手UPLOAD 曬D 相上facebook!! 逼那keep 住四季前的相的朋友都趕快upload 了相片.

< "自作孽"  -- 造訪會長伉儷家>

工作, 令到我心力交瘁, 有得早收工, 理應早早回家休息.

但一連三日, 我有時間也不回家休息, 變了天天也是凌晨睡, 清晨6點半起床.
白頭髮自然比黑髮多, 黑眼圈大過隻眼

星期五, 部門阿姐下令大家7點前收工.

除了Wendy (外藉專家) 外, 其他人早於6點收曬工.

身心疲累, 想起之前那日夫人邀請我去她家學O-event 系統. 有得去, 做乜唔去???

飄下飄就去了將軍澳

飄下飄上埋去36樓

我和夫人上到去, 家裡沒人....

那張吩咐會長做各項包括洗廁所的家務清單還原封不動

結果夫人要自己做番.

我在書房休息一回後.... 會長, Jason 及Julie 買了pizza 回到.

開飯, 發生不少家居意外

1. 開了剛被搖勻的支裝汽水... 汽水爆到整桌是.

2. 有人不小心打反了盛滿汽水的杯, 令到Julie 的裙子及雙腳吸收不少汽水. 她前往清理期間, 順便令洗手間地面也有腳印

結果, 9點鐘左右才開始上課....

10點半... 一定要走了... 將軍澳回上水必定要個半鐘!!!

Jason 話走, 我立即拿袋走. Julie 看見我們趕著走就跑前來走.

但.... 穿女裝鞋的她... 最快可以入 "車立" 走人.

我就只穿襪子, 拿著鞋子跑入 "車立".
Jason 連背囊也沒有拉好便入 "車立".

由寶琳睡到九龍塘.... 九龍塘到上水的列車是前往羅湖出境的尾班車

如果訓過龍就無得番轉頭!!!!!!!!!!

結果在車上MSN... 12點回到家, 沖身即睡.

有得訓又唔訓...  "自作孽"

<不投機>

有時, 性格不合真係無得變.

我 vs 她

晨早6點半起身 vs 凌晨5點半訓覺

天天搭個半鐘車 vs 搭半個鐘車都話遠

國慶中秋都去跑一日 vs 國慶中秋都去蒲天光

一心一意 vs (疑似) 花花弗弗

呢呢啡啡 vs 姿姿整整

..................

好在只是同佢做朋友... 唔駛日日對住佢, 唔駛晚晚同佢住....

否則... 快像火星撞地球!!! 撞!!!! 散!!!!

<10月1日 -- 寶馬山 - HKOC排名賽第5場>

因為我只去得那2場 (南丫島 + 寶馬山), 所以今次比賽旨在練習.

上山前, 有人向大家說, 賽事中心有廁所

點知去到... 只見1條溪 + 1個亭... 無遮無掩

忍去廁所忍足整場比賽.

我比較早起步, 因為我走得慢.

START --> POINT 2

一開始, 轉入大路, 走走, 見到左邊小徑, 行上山少許就見到岩面地. 當然也見到POINT 1.

離開POINT 1, 繼續沿路走落山坳位. 地圖顯示山坳位的東方有小路出大路

但見到面前一片 "綠油油", 好密!!! 探個頭睇... 係有路呀, 但係要經過 1m 深的坑... 又窄, 又綠.

心想唔得!!! 走上對北一個山丘仔, 經山丘仔東方的路 (都好 "綠") 入大路.

出到大路... (當然) 轉右!!! 跑!!! 跑到左邊有分叉路, 轉左, 落左一陣又上過... 見到 Tortoise教導她的學生, 不久, 在point 2附近見到阿thy. point 在亭旁.

POINT 2 --> POINT 4

離開POINT 2, 向東走, 見到有3條不同的路去POINT 3, 我選了繞了西邊的路, 繞山半圈, 在山的另一邊上少許便見到POINT 3.

由POINT 3開始, 我便和一個穿灰色背心的男賽員不停追逐
(完了賽事才知道他也是YAOC 的, 叫阿猩)

打完POINT 3, 出POINT 見唔到去POINT 11的小徑 (也有N條等高線要攀), 便跑外圍數山咀. 第4個咀的支路甚明顯, 到山頂就見POINT4

POINT 4 --> POINT 6

point 4 去point 5甚遠!!!!!!! 仲有超過15條等高線俾你一次過行曬!!!

我和阿猩甚至在上山的分叉路口不停喘氣!!!

走上山. 有幾野幾乎坳架. 其實幾易去, 考體能.  在山上的十分路口轉北走上塔便看見point 5.

point 5去point 6只是回到大路直跑下山. 沒什麼.

POINT 6 ---> POINT 8

去 POINT 7, 我選擇走去澗行少少, 再入坳位, 轉上左邊的山頂便是.

到去POINT 8... 慘!!! 原是由POINT 7 西北面去另一個山頂, 然後穿過小路到POINT 8.

那時有 Jacky Woo, 阿猩同我3個人一起走...

走到西北方的山頂, 我和 Jacky 一望條路.... 深綠!!!!!!!! 你落埋我那份.

我和Jacky 臨陣縮沙經番POINT 7 繞路去POINT 8. 途中見到Bruce.

至於阿猩, 因為執意要剷落70度斜的深綠色植被, 結果由POINT 7到POINT 8 需要1小時.

POINT 8 --> POINT 11

由POINT 8到 POINT 10, 我好想好想叫Bruce 會長開一個教落斜的班, 又或者叫人幫我克服滾下山的恐懼.

是我不敢很放地跑下去... 怕坳柴, 更怕滾下山坡撞樹慘死在賽區!!!!

(認真的, 我發夢也夢見自己滾下山坡撞樹變了植物人)

開始累, 所以更不敢滾下山坡, 之前point 4 --> point 5 上斜已想坳柴, 落山更驚.

落到山... 基本上繞過空礦地便是point 9, 但也要發呆想了幾秒才肯定自己在那兒.

point 10... 因為之前經過條大路, 所以沒有難度.

point 10--> 11 犯了小錯, 有條上山的路唔行... (因為太累睇唔到), 走去dog-leg 由原路再上山.

途中見到Julie 打完point 11去 point 12, 她問我 "為什麼會在這裡上point 11???"

我腦已經無能量了... 能量只在我的腿上了.

她一問, 我感到能量被逼由大腿上番腦, 去思考怎答這問題.

這是定向需要的技巧及身體素質嗎?

POINT 11--> FINISH

POINT 11 --> POINT 12 沒難度, 出番大路走走走便到POINT 12

POINT 13 也是繼續走便會發現

在LAST POINT 番終點才出最大的錯!!!!!!

唔識番屋企!!!!!!!!!!!!!!!!!!!!!!!!!!!!!!!

竟過河怒跑!!!!!!!!!!!!!!

跑跑下唔對路才回到亭... 才知道自己犯下致命錯誤!!!!

由LAST POINT 到終點要6分半鐘!!!!!

自己不能接受會犯這低級錯誤.... 1000個唔開心 :< 成個比賽無左那6分半低B 錯, 會好好多

最後, 在WA 組中, 除了DQ 外, 我是跑包尾.... :<

無左那6分半係唔駛跑尾嫁!!!!!!!!!!!!! ><!!!!!